ރިޔާސީ އިންތިހާބުގެ ދެ ވަނަ ބުރުގައި ވޯޓުލާ މީހުންގެ ރީ-ރަޖިސްޓްރޭޝަން ފޯމުތައް ޕްރޮސެސްކޮށް ނިންމާލައި މާދަމާ ޝަކުވާއަށް ހުޅުވާލާނެ ކަމަށް އިލެކްޝަންސް ކޮމިޝަނުން މިއަދު ބުނެފިއެވެ.
އީސީީގެ ރައީސް ފުއާދު ތައުފީގް "ހަތާވީސް" އަށް ވިދާޅުވީ ފޯމް ޕްރެސެސް ކުރުމުގެ މަސައްކަތް ވަރަށް ބާރު ސްޕީޑުގައި ކުރިއަށްދާ ކަމަށާއި ޝަކުވާ ހުށަހަޅަން މާދަމާ ހުޅުވާލެވޭނެވަރުވާނެ ކަމަށެވެ.
"އަޅުގަނޑުމެން މި ބަލަނީ ހެނދުނު (ބުރާސްފަތި) އޮފީސް ހުޅުވުމާއެކީ ގާތްގަނޑަކަށް ނުވައެއް ޖަހާކަށްހާއިރު ފެށޭނެވަރު ވާނެ ކަމަށް ލަފާކުރަނީ. އަދި ހަމަ މަސައްކަތް ކުރަމުންދަނީ" ފުއާދު ވިދާޅުވިއެވެ.
ޝަކުވާ ހުށަހަޅަން 48 ގަޑިއިރު ލިބޭނެއެވެ. ފުއާދު ވިދާޅުވީ މިހާރު މަސައްކަތްތައް ހުރި ގޮތުން 48 ގަޑިއިރުން ޝަކުވާތައް ބަލައިނުގަނެވޭނެ ކަމަށެވެ.
"އަޅުގަނޑުމެން އެބަ ޖެހޭ އެ ލިބޭ ޝަކުވާތައް އަނެއްކާ މީގެ ތެރެއަށް ގެނެސްގެން އިސްލާހުކޮށް ހަދާފައި ފައިނަލް އެއްޗެހިތައް ޕްރިންޓްކޮށްފައި 574 ވޯޓު ފޮށީގެ ވޯޓާސް ލިސްޓު ޕްރިންޓްކޮށްފައި އަޅުގަނޑުމެން އިތުރަށް ޗެކް ކޮށްފައި ހުރިހާ ދާއިރާތަކަށް އެއްޗެހި ފޮނުވަން ޖެހެނީ" ފުއާދު ވިދާޅުވިއެވެ.
މި މަހުގެ 30 ވަނަ ދުވަހު ބާއްވާ ދެވަނަ ބުރުގައި ވޯޓުލާން 47،714 މީހުން ވަނީ ރީ ރަޖިސްޓްރީވެފައެވެ.
ދެވަނަ ބުރުގައި 282،803 މީހަކަށް ވޯޓު ލުމުގެ ހައްގު ލިބޭއިރު އަލަށް ވޯޓުލުމުގެ ފުރުސަތު ލިބޭ 403 ޒުވާނުން ލިބެއެވެ.
ފުރުގާން މިސްކިތުގައި ހުރި ހަތިމްތައް އުކާލާ، އެކިވަރުގެ ގެއްލުން ދީފި 
ކަނޑުހުޅުދޫގައި ހިނގި މާރާމާރީއެއްގައި ދެމީހަކަށް އަނިޔާވެއްޖެ 
އިޒްރޭލު ޕާސްޕޯޓު މަނާ ކުރުމުގެ މަސައްކަތް އަވަސް ކުރަނީ 
ގާނޫނުއަސާސީއަށް ގެނައި ކުއްލި ބަދަލު ބާތިލުކުރަން ސުޕްރީމް ކޯޓަށް 
ވެރިކަން ލިބުނަސް ދޫކޮށްލާނަން, ޓިކެޓް ދޭނީ ރައީސަށް: އަބްދުއްރަހީމް 
އެމްޑީޕީގެ ރިޔާސީ ޕްރައިމަރީގައި ވާދަކުރައްވަން ފައްޔާޒު ނިންމަވައިފި 
