ދަރިވަރުންނަށް އަމާޒުކޮށްގެން ސާވޭއެއް ކުރުމުގެ ނަމުގައި އެ ދަރިވަރުންގެ އައިޑީކާޑުގެ ކޮޕީ ހޯދަމުންދާތީ ސަމާލުވާން ފުލުހުން އިލްތިމާސްކޮށްފިއެވެ.

ފުލުހުން ބުނީ ސާވޭގެ ނަމުގައި ދަރިވަރުންގެ އައިޑީ ކާޑު ކޮޕީ ހޯދަމުންދާ ކަމުގެ މައުލޫމާތު ލިބިފައިވާ ކަމަށެވެ.

އެފަދަ ރަސްމީ ޑޮކިއުމެންޓުގައި ހިމެނޭ މައުލޫމާތުތަކަކީ އެކި ސްކޭމްތައް ހިންގުމުގައި އާއި އައިޑެންޓިޓީ ތެފްޓު ފަދަ އަދިވެސް އެހެނިހެން ކުށްތަކަށް އަރައިގަތުމަށް ބޭނުންކޮށްފާނެ މައުލޫމާތު ހިމޭނޭ ޑޮކިއުމެންޓަކަށްވުމާއެކު އެފަދަ ތަކެތި ހިއްސާނުކުރަން ފުލުހުން އެދެއެވެ.