އިދިކޮޅު ޕީޕީއެމް/ޕީއެންސީގެ ފަރާތުން ރިޔާސީ އިންތިހާބުގައި ވާދަކުރައްވާ ޑރ. މުހައްމަދު މުއިއްޒުގެ ކެމްޕޭނުގައި އަދަލާތު ޕާޓީގެ ކުލައިގެ ޓީޝާޓު ލައިގެން މަރުހަބާ ކިޔަން ނިކުތީ އެ ޕާޓީގެ މެމްބަރުން ނޫން ކަމަށް އަދާލަތު ޕާޓީން ބުނެފިއެވެ.

މުއިއްޒު ދެކޮޅުނު އަތޮޅަށް މިހާރު ކުރައްވަމުން ގެންދަވާ ދަތުރުގެ ތެރެއިން އިއްޔެ ފުވައްމުލަކަށް ވަޑައިގެންނެވި ވަގުތު މަރުހަބާ ދެންނެވުމަށް ބަޔަކު އަދާލަތު ޕާޓީ ރަމްޒުވާ ކުލަ (ފެހިކުލަ) ހިމެނޭ ޓީޝާޓު ލައިގެން ނިކުތޔެވެ.

އަދާލަތު ޕާޓިީން މިއަދު ބުނީ އެއީ ޑރ މުއިއްޒަށް ތާއީދުނެތި އުފެދޭ މާޔޫސްކަމުގައި ޕީއެންސީގެ ފަރާތުން ކުރާ ޑެސްޕަރޭޓް ކެމްޕޭނެއް ކަމަށެވެ. އަދި އަދާލަތު ޕާޓީގެ ތާއީދު މުއިއްޒަށް އޮތްކަން ދައްކަން އަދާލަތު ޕާޓީގެ ކުލަ ބޭނުންކޮށްގެން ހިންގާ ސްކޭމްއެއް ކަމަށެވެ.

އެކަމުގައި ބައިވެރިވިކަމަށް ބުނާ 13 މީހުންގެ ތެރެއިން 9 މީހުންނަކީ އަދާަލަތު ޕާޓީގެ މެންބަރުންނެއް ނޫން ކަމަށް އަދާލަތުން ބުންޏެވެ. އަދި އެ މީހުންގެ ވަނަވަރު އެ ޕާޓީން ވަނީ ހިއްސާކޮށްފައެވެ.

1. ހަސަން ބުޝްރީ މުހައްމަދު، ހުސްނޫގެ، ޏ. ފުވައްމުލައް — އަދާލަތު ޕާޓީގެ މެންބަރެއް ނޫން.

2. ވިސާމް އަހުމަދު، ދިވެހިގެ، ޏ. ފުވައްމުލައް — އަދާލަތު ޕާޓީގެ މެންބަރެއް ނޫން. 3. ނަޒްވާން އައްބާސް، ވާޅުގެ، ޏ. ފުވައްމުލައް — އަދާލަތު ޕާޓީގެ މެންބަރެއް ނޫން 4. ފަރުހާދު ރާޝިދު، ނިއު، ޏ. ފުވައްމުލައް — އަދާލަތު ޕާޓީގެ މެންބަރެއް ނޫން 5. މުހައްމަދު ދީދީ، ސިންދު، ޏ. ފުވައްމުލައް — އަދާލަތު ޕާޓީގެ މެންބަރެއް ނޫން 6. އަބްދުالله މުފީދު، ސަނީސައިޑް، ޏ. ފުވައްމުލައް — އަދާލަތު ޕާޓީގެ މެންބަރެއް ނޫން 7. މުހައްމަދު ރަޝީދު، ފީށިގަނޑިގެ، ޏ. ފުވައްމުލައް — އަދާލަތު ޕާޓީގެ މެންބަރެއް ނޫން 8. އަލީ ލަތީފް، އައްސޭރިގެ، ޏ. ފުވައްމުލައް — އަދާލަތު ޕާޓީގެ މެންބަރެއް ނޫން 9. އިބްރާހީމް ސައީދު، ތުއްފާހުގެ، ޏ. ފުވައްމުލައް — އަދާލަތު ޕާޓީގެ މެންބަރެއް ނޫން

އަދާލަތު ޕާޓީން ރޭ ވަނީ ޕީއެންސީގެ ކެންޑިޑޭޓް ޑރ. މުއިއްޒުގެ ކެމްޕޭނުގައި އަދާލަތު ޕާޓީގެ ކުލަ ބޭނުން ކުރާކަން ފާހަގަކުރެވިފައިވާތީ އެކަން ހަރުކަށި އިބާރާތުން ކުށްވެރި ކޮށްފައެވެ. ެކަމަކީ އިންތިހާބާ ބެހޭ އާންމު ގާނޫނުގެ ދަށުން މަނާ ކަމެއް ކަމަށް ވާތީ އެކަން ހުއްޓުވުމަށް އިލެކްޝަންސް ކޮމިޝަނަށް އެޕާޓީން ވަނީ ގޮވާލައިފައެވެ.