އެމެރިކާގެ ވޮޝިންޓަން ސްޓޭޓަށް ނިސްބަތްވާ އެލިޒަބަތު ހެޑެންގެ އަގުބޮޑު އެޕަލްގެ އެއާޕޮޑްސް ގެއްލުނީ މި މަހުގެ ކުރީކޮޅުއެވެ. ސެން ފްރެންސިސްކޯގެ މަތިންދާ ބޯޓެއްގެ ތެރެއަށެވެ.

ނަމަވެސް ޓްރެކަރެއް ބޭނުންކޮށްގެން ދެ ހަފުތާ އަށް ވުރެ ގިނަ ދުވަސް ފަހުން އެއާޕޯޑް ވަނީ ހޯދާފައެވެ.

އެލިޒަބަތުގެ އެއާޕޯޑް ދޫކޮށްލެވުނީ ޓޯކިއޯއިން ސެންފްރާންސިސްކޯ އަށް އޭނާ ދަތުރުކުރި ފްލައިޓްގެ ސީޓުގައެވެ. އެއާޕޮޑް އޮތީ ޖެކެޓްގެ ޖީބުގައެވެ.

ސެންފްރެންސިސްކޯ އަށް ފޭބުމަށް ފަހު ޖެކެޓް ފްލައިޓުގައި ހަނދާން ނެތި ބޭއްވުނު ކަމަށް ފްލައިޓްގެ ކްރޫން ގާތު ބުނުމުން އެ މީހުން ޖެކެޓް ގެނެސްދިނެެވެ. އެކަމަކު އެއާޕޯޑެއް ނެތެވެ. އެ ވަގުތު އޭނާ ހުރި ސިއޭޓަލް އަށް ދާންވެގެން ފްލައިޓަށް އަރައެވެ.

އެޕަލްގެ ޑިވައިސްތައް ޓްރެކްކުރާ "ފައިންޑް މައި" ޕްރޮގްރާމް ބޭނުންކޮށްގެން އެލިޒަބަތު، ބެލިއިރު ލޮކޭޝަން ދައްކާގޮތުން އެއާޕޮޑް އޮތީ ސެންފްރަންސް އެއާޕޯޓުގައެވެ. އެ ހިސާބުން އެއާޕޮޑް ޓްރެކް ކުރުމުގެ މަސައްކަތް އޭނާ ފެށިއެވެ.

"އަހަންނަކީ ވަރަށް ބުރަކޮށް މަސައްކަތްކުރާ މީހެއް ކަމުން، ސްކްރީންޝޮޓްތައް ނަގަމުން ސެން ފްރެންސިސްކޯއިން ސިއެޓަލްއަށް ކުރި މުޅި ދަތުރު ޓްރޭސް ކުރީ. ސިއެޓަލްއާ ގަޑިއެއްހާއިރު ދުރުގައި އުޅޭއިރު ގެއަށް އައިއިރުވެސް ސްކްރީންޝޮޓްތައް ނަގަމުން ދިޔައީ،" އެލިޒަބަތު ބުންޏެވެ.

ގެއަށް ގޮސް ބެލިއިރު ލޮކޭޝަން ދައްކާ ގޮތުން އެއާޕޮޑް އޮތީ "ޔުނައިޓެޑް ކާގޯ" ލޭބަލްކޮށްފައިވާ ތަނެއްގައެވެ.

އެއަށްފަހު ލޮކޭޝަނުން ދެއްކީ ޓާމިނަލް ދޭއްގައި އެއާޕޮޑް އޮތްތަނެވެ. އެއަށް ފަހު ޓާމިނަލް ތިނެއްގައެވެ. އޭގެ ފަހުން ލޮކޭޝަނުން ދެއްކި ގޮތުގައި އެއާޕޯޑް އޮތީ "ބޭ" އޭރިޔަ ނަމަކަށް ކިޔާ ގިނަ ބަޔަކު ދިރިއުޅޭ ސަރަހައްދެއްގައެވެ. މެޕުން ދެއްކި ގޮތުން ތިން ދުވަސް ވަންދެން އެއާޕޮޑް އެ ސަރަހައްދުގައި އޮތެވެ.

[caption id="attachment_49251" align="aligncenter" width="754"] އެލިޒަބަތުގެ އެއާޕޮޑްސް ގެއްލުނީ ފެންސެލްވޭނިއާގެ ފްލައިޓެއްގެ ތެރެއަށް[/caption]

އެ ހިސާބުން ފެށިގެން އެލިޒަބަތު ފުލުހުންނަށާއި ސެންފްރަންސިސްކޯ އެއާޕޯޓަށް ގުޅިއެވެ. އޭނާ ބުނީ ހުރިހާ ތަނަކުންވެސް ދެނީ އެއް ޖަވާބައެއް ކަމަށެވެ.

އެންމެ ފަހުން އެއާޕޮޑް ހޯދައިދޭން އެހީވެދިނީ ސަން މަޓީއޯ ޕޮލިސް އޮފިސަރެކެވެ. އިއާބަޑްސް ޕިންގް ކުރަމުން ދިޔަ އެޑްރެސް ދިމާވީ އެލިޒަބަތު ދަތުރުކުރި ޔުނައިޓެޑް އެއާލައިންއަށް ކާބޯތަކެތި ފޯރުކޮށްދޭ ކޮންޓަރެކްޓަރެއްގެ އެޑްރެސްއާއެވެ. އެ މުވައްޒަފު އެންމެ ފުރަތަމަ ހެދި ދޮގެވެ. އެކަމަކު ފަހުން އެއާޕޮޑް ނެގި ކަމަށް އޭނާ އެއްބަސްވިއެވެ.

ޔުނައިޓެޑު އެއާލައިނުން ބުނީ އެއީ އެ އެއާލައިންގެ މުވައްޒަފެއް ނޫން ކަމަށާއި ކާބޯ ތަކެތި ވިއްކާ މީހެއް ކަމަށެވެ.

ޔުނައިޓެޑުން ސީއެންއެންއަށް ބުނީ، އެ ހާދިސާގެ މައުލޫމާތު ގާނޫނު ތަންފީޒުކުރާ ފަރާތްތަކަށް ލިބިފައިވާ ކަމަށާއި އެ މުވައްޒަފަކީ ޔުނައިޓެޑް ވެންޑަރެއްގައި މަސައްކަތް ކުރާ މުވައްޒަފެއް ކަމަށެވެ.

އެލިޒަބުގެ އެއާޕޮޑްސް ވަނީ އޭނާ އަށް އަނބުރާ ލިބިފައެވެ. ނަމަވެސް އެއާޕޮޑް އޮތީ އެންމެ ރަނގަޅު ހާލަތެއްގައެއް ނޫނެވެ. ޔުނައިޓެޑް އެއާލައިނުން ވަނީ ބަދަލުގެ ގޮތުގައި 271 ޑޮަލަރު އޭނާއަށް ދީފައެވެ.