އީދުގައި ހިރިލަންދޫ ފަލަސްތީނާ އެކު
އަޟްހާ އީދުގެ އުފުލުގައި ތ. ހިރިލަންދޫގައި ރޭވިފައިވާ ކުޅިވަރުތައް މަޑުޖައްސާލައި، ރަށުގެ ރައްޔިތުން މިއަދު ނުކުތީ ފަލަސްތީނުގެ ރައްޔިތުންގެ ދިފާއުގައެވެ. ދޮށީ އުމުރުގެ މީހުންނާއި ކުޑަކުދިނާއި އަންހެނުންގެ އިތުރުން ޒުވާނުން ވެސް ހިރިލަންދޫ މަގުތަކަށް ނުކުމެ، ހަނދާންކޮށްދިނީ އެ ރަށް ފަލަސްތީނާއެކު އޮތް ކަމެވެ. އަދި ފަލަސްތީނުގައި ހާލުގައި ޖެހިފައިވާ ފަރާތްތަކަށް އެހީވުމަށް ފައިސާ ހަނދިޔާކުރުމުގެ ފުރުސަތުގައި ވެސް މި ހަރަކާތުގައި ހުޅުވާލާފައިވެއެވެ.