އިންޑިއާގެ ބޮޑުވަޒީރު މޯދީއަށް މަރުހަބާ ދެންނެވުމުގެ ތައްޔާރީތައް
އިންޑިއާގެ ބޮޑުވަޒީރު މޯދީއަށް މަރުހަބާ ދެންނެވުމުގެ ތައްޔާރީތައް: ބޮޑުވަޒީރު މޯދީ ރާއްޖެ ވަޑައިގަންނަވަނީ ރާއްޖޭގެ 60ވަނަ މިނިވަން ދުވަހާއި ދިމާކޮށް. މޯދީ ރާއްޖެއަށް ކުރައްވާ ދަތުރުފުޅަކީ ދެ ދުވަހުގެ ދަތުރުފުޅެއް. މޯދީގެ ދަތުރުފުޅާއި ގުޅިގެން ޖުމްހޫރީ މައިދާން ސަރަހައްދުގައި އިންޑިއާގެ ދިދަ އާއި ދިވެހި ދިދަ ވަނީ ޖަހާފައި. މޯދީ ރާއްޖެ އަށް ވަޑައިގަތުމަށް ދައުވަތު ދެއްވީ ރައީސް ޑރ. މުހައްމަދު މުއިއްޒު އިންޑިއާ އަށް ކުރެއްވި ރަސްމީ ދަތުރުފުޅުގައި. ރައީސް މުއިއްޒުގެ ވެރިކަމުގެ ކުރީކޮޅު އިންޑިއާ އާއި ރާއްޖެއާ ދެމެދު އޮތް ގުޅުން އޮތީ ވަރަށް ބޮޑަށް ހީނަރުވެފައި. މި ސަރުކާރު ވެރިކަމަށް އައިތާ ކުރީކޮޅު، ސަރުކާރުގެ ބައެއް އިސް މަގާމުތަކުގައި ތިއްބެވި ބޭފުޅުން ވަނީ އިންޑިއާ އާއި އެގައުމުގެ ބޮޑުވަޒީރު މޯދީއަށް ބަދުބަސް ބުނެ، ސޯޝަލް މީޑިއާގައި އެތައް ޕޯސްޓުތަކެއް ކޮށްފައި. މި މައްސަލައާއެކު ދެގައުމުގެ ގުޅުމަށް އިތުރު ބުރުލެއް އެރި. ނަމަވެސް މިހާރު ދެގައުމުގެ ގުޅުން އަންނަނީ ރަނގަޅުވަމުން --- ހަތާވީސް ފޮޓޯ | މުހައްމަދު އަފްރާހް