މާލޭގެ ފިހާރައެއް ކައިރީގައި ބަޔަކު ކިއު ހަދާފައި: ފޮޓޯ / ހަތާވީސް
މާލެއިން ބަންގްލަދޭޝް އަށް ނިސްބަތްވާ މީހަކު އަނެއްކާވެސް ކޮވިޑް19 އަށް ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ކޮށްފައިވާ ޓްވީޓެއްގައި ބުނީ މިއަދު ކޮވިޑް19 އަށް ޓެސްޓުކުރި ބަންގްލަދޭޝް މީހަކު އެ ބައްޔަށް ޕޮޒިޓިވްވެފައިވާ ކަމަށެވެ. މިއީ މިއަދު މާލެއިން މި ބައްޔަށް ޕޮޒިޓިވްވި 63ވަނަ މީހާއެވެ.
Samples taken from a Bangladesh national (MAV083) has tested POSITIVE for #COVID19.
The individual will be transferred to an Isolation Facility and we are currently establishing any links with other cases. #StayHome #StaySafe
— Health Protection Agency (@HPA_MV) April 21, 2020
މި މީހާއާ އެކުގައި މިއަދު އެކަނިވެސް މާލެއިން މިވަނީ 14 މީހަކު ކޮވިޑް19 އަށް ޕޮޒިޓިވްވެފައެވެ. އެއީ ފަހުން މި ޕޮޒިޓިވްވި ބަންގްލަދޭޝް މީހާއާ އެކު ޖުމްލަ ހަ ބިދޭސީ މީހަކު މިވަނީ މިއަދު އެކަނިވެސް މި ބައްޔަށް ޕޮޒިޓިވްވެފައެވެ. މީގެއިތުރުން މިއަދު 8 ދިވެއްސަކު ވެސް ކޮވިޑް19 އަށް ވަނީ ޕޮޒިޓިވްވެފައެވެ.
މުޅި ޖުމްލަ މިހާތަނަށް 83 މީހަކު މާލެއިން ޕޮޒިޓިވްވެފައިވާއިރު މީގެތެރެއިން 16 މީހަކު ވަނީ ބަލިން ރަނގަޅުވެ ޝިފާ ލިބިފައެވެ. އޭގެތެރޭގައި 13 ބިދޭސީންނާއި ތިން ދިވެހިން ވެސް ހިމެނެއެވެ.
